आमचा #Homemade #Eco Friendly Bappa

>> Saturday, August 26, 2017

गेली सहा वर्ष आमचे father घरीच बाप्पाची शाडूची मूर्ती तयार करतात..आधीच आपला लाडका गणपती बाप्पा आणि त्यात घरीच तयार होत गेलेली मूर्ती , त्यामुळे त्याबद्दल एक वेगळीच आपुलकी निर्माण  होते..
गणेश चतुर्थीच्या आधी साधारण १५ -२० दिवस मूर्ती बनवायची लगबग चालू होते. मूती च design , मागची सजावट काय करायची ह्यावर घरात भरपूर चर्चा चर्वण होतं. बोहरी आळी मध्ये जाऊन शाडूची माती आणायची  , venus  मधून माती कामाचा सामान , रंग रंगोटीचं साहित्य , रिबीन्स  , चमक्या ,  टिकल्या , मूर्ती कारखान्यातून आणलेला स्किन कलर  असं करत करत गेल्या सहा वर्षात आमच्या कडे मूर्ती  कलेचं बऱ्यापैकी सामान जमा झालंय.. माझ्याकडे फक्त डोळे , सोंडेवरची नक्षी आणि उंदीर मामा करण्याची जबाबदारी असते..
बोहरी आळी मध्ये साधारण ८० रु.. किलो प्रमाणे शाडूची माती मिळते. ६ ते ७ इंचाचा भरीव बाप्पा करण्यासाठी १ ते २ किलो माती लागते. शाडूच्या मातीमध्ये अशुद्धीचे प्रमाण आणि पाणी धरून ठेवण्याची क्षमता मध्यम असते.
शाडूची माती लगेच भिजत नाही. मूर्ती तयार करायच्या आधी ३ ते ४ दिवस माती भिजवून ठेवावी लागते. 
माती चांगली भिजल्यानंतर ते व्यवस्थित कालवून घेतात .. 

यंदा आम्ही बालक गणेश मूर्ती करायचा ठरवलं होतं.  भरीव शाडूच्या मातीची मूर्ती खूप जड होते , so  ह्या वेळीं father नि aluminium foil चा गोळा करून त्यावर शाडूची माती लिंपून घेतली .  त्यामुळे वजन बऱ्या पैकी कमी झालं आणि मूर्ती लवकर वाळली . 

दोन दिवस काम केल्यानंतर ची मूर्ती 

थोडं फिनिशिंग अँड detailing .. 
वॉटर कलर चा पहिला हात दिल्यानंतर .. 

पूर्ण झालेली बापाची मूर्ती .  पितांबर आणि लाल शेला ..!

यंदा आम्ही पेपर फोल्डिंग चा decoration  केलंय .. 
प्राण प्रतिष्ठा केल्यानंतर आमचा बाप्पा 


गेल्या वर्षी ( २०१६ ) अस्मि चा शाळेचं पहिला वर्ष होतं.. सो आम्ही शाळेचा देखावा केला होता . शाळा आणि विद्यार्थी गणपती . 
२०१५ साली केलेला फेटाधारी गणपती बाप्पा .. 
अस्मिच्या खेळण्यांमध्ये रमलेला २०१४ सालचा गणपती बाप्पा..!
अस्मि चा जन्म २०१३ सालचा ..so त्या वेळचा कमळामध्ये विराजमान झालेले शिशु गणेश .. 
२०१२ सालचे शाही  गणेश .. 

घरी केलेली २०११ सालची पहिली पहिली गणेश मूर्ती . 

मूर्तीच विसर्जन आम्ही गच्ची वर काकांनी तयार केलेल्या बागेत बादलीमध्ये नाहीतर नदीवर मनपाच्या हौदात करतो. 

बाहेरच्या POP च्या मूर्ती सुबक आणि चमकणाऱ्या  असल्या तरी ,  ओबड धोबड असलेला आणि घरी जन्माला आलेला शाडुच्या मातीचा बापा खूपच आपलासा वाटतो .. 
तर तुम्हीपण पुढच्यावर्षी try करून बघा ..काही अडलं तर विचारा मला मी आहेच सांगायला .. 













Stumble Upon Toolbar

1 प्रतिक्रीया:

aniket August 27, 2017 at 12:08 AM  

भारी... काकांच्या मार्गदर्शन नुसार आम्ही पण घरी गणपती बनवतोय, खरंच खूप आनंद देणारा अनुभव।।।

Related Posts with Thumbnails

Total Pageviews

eXTReMe Tracker

  © Blogger template Inspiration by Ourblogtemplates.com 2008

Back to TOP